LOVE 🖤

الحب مش شعور و لكنه حالة حيث ينقسم إلى ٧ حالات :

١) Eros حب الجسد :

حب الشكل العضلات الجسم بس و كل دة بيتغير مع الوقت و يعجز فالحب دة مبيدومش 

٢) Philia حب العقل :

حب القيم المبادئ التفكير و دة نوع أمان فى الحب و احترام محتاج عقل موزون. 

٣) Agape حب الروح :

حب النفس زى ما هى جسد و عقل و روح مهما حصل له حادثة او لما يعجز او اى حاجة بتفضل تحبه و دة حب لا ينتهى. 

٤) Ludus حب التسلية و الغزل (flirting) :

حب الهزار و الانبساط و أول ما ييجى وقت الجد و مسئولية ميلتزمش و يتهرب و للاسف دة شائع جدا. 

٥) storge حب الطفل : 

انك تعامل اللى معاك زى الاهل اكن ام و ابنها او اب و بنته و دة كويس يكون موجود بس بفترات لان مش دايما هيكون سعيد لما تعامليه دايما زى الام افطر و البس تقيل و هكذا لكن هيبقى كويس لما تحتويه وقت ازمة و اكيد هى تبقى كويسة لما يحتويها وقت ازمة. 

٦) pragma حب العشرة :

و دة شبه جواز صالونات بس مبيكونش فيه مشاعر اد ما هو بعد وقت بعد الجواز الاتنين بيرتبطوا اكتر بيبقى ارتباط عقلى اكتر لكن يفضل مفتقد المشاعر 

٧) Philautia حب الذات :

حب نفسك زى ما انت بمميزاتها و عيوبها بتوازن و راضى عنها لكن متوصلش للغرور و يحسّن اللى يقدر عليه فيها و دة بيجعل الانسان سوِى ف علاقاته . 

و طبعاً مفيش علاقة ينفع تتبنى على نوع حب واحد لانها بتقع و لكن لازم تكون ميكس حب و قبل الحب يبقى فيه رحمة و تسامح و تفاهم و تحمُّل و غيرهم من الاساسيات .......