I am made in Egypt

هبدأ كلامى بقصة خيالية ( كان فى لعبة زى عروسة كده اتصنعت فى مصنع قديم شوية له تاريخ لكنه مش متقدم اوى المشكلة ان اللعبة بعد ما اتصنعت بحرفيه وجمال وأصالة وكان شكلها يسر الناظرين اليها من كل مكان الا انها كانت شايفه نفسها وحشه طول ما هى مرتبطة بالمكان القديم ده وكان نفسها اوى انها تكون اتصنعت فى مصنع حديث عشان يبقا شكلها احلى او الاولاد يفرحوا بيها أكتر وأكتر لكن المشكلة ان اللعبه دى بدأت تتنكر فى لبس مش لبسها وبدأت تتكلم بطريقة غير طريقتها الاصلية كل ده ليه عشان تحاكى او تقلد العرايس اللى اتصنعوا فى المصنع الحديث اللى من وجهة نظرها بيعمل أحسن الالعاب فى الدنيا دى كلها لكن اللعبة مكنتش عارفه انها مهما عملت فى شكلها مش هتتباع لانها مش هتعتبر لعبة اصلية من المصنع الحديث بل انها هتكون لعبه مقلدة ومشوهة بالنسبة للعرايس اللى بيقوم بانتجهم المصنع الحديث وانها لو كانت حفظت على جمالها الاصلى كانت أصبحت أحسن لعبة صنعها المصنع العتيق ده وكانت ممكن تكون سبب فى شهرته بعد كده

واللى انا عايز أقوله فى المقال ده انى صنعت فى مصر من أب و أم مصريين وأفتخر بده لكنى أكتشفت ان كل الناس فى المواصلات فى الشارع فى اى مكان بيحاولو انهم يكونو مش هما بيحاولو انهم يكونوا من المصنع الحديث دايما بيرمو العيب على المصنع العتيق (مصر ) مع ان العيب فينا احينا اللى محولناش ننجح المصنع بتاعنا وبل بالعكس أصبحت عندنا عقدت الخواجة ان اى حاجة جاية من بره أحسن من مليون منتج مصرى حتى لو كان لبن سمك تمر هندى انا أتعلمت فى مصر من أول الحضانة لغاية الكلية مش هقول انى حياتى كلها مثالية ولكن حاول متعبش المصنع لان محدش بيختار المصنع اللى بيخرج منه لكن اللى فى ايدك انك تسأل نفسك سؤال ازاى اخلى المصنع يكون من أوائل المصانع فى الانتاج ازاى أطور مصنعى (وطنى ) ؟ او ازاى أطور من نفسى عشان انجحه ؟ لانه فعلا مبقاش فى ولاء للمصنع خلاص فقوا واعرفوا انه مهما روحت ومهما لفيت انت صنعت فى مصر و ذى ما قال فؤاد المهندس فى الاغنية الوطنية العظيمة

مصر هي أمي ..

مصر هي أمي .. نيلها هو دمي

شمسها ف سماري .. شكلها ف ملامحي

و إن كان لوني قمحي .. ده من فضل مصر

ما تلاقيش مثالها .. ست كل عصر

عشة جنب نيلها .. تسوى ألف قصر

ولا وردة بلدي .. فيها عطر مصر

ولا سحر مصر .. ولا جو مصر

ولا .. ولا .. ولا

ده شئ ملهش حصر

open invitation .. روحوا زوروا مصر و إنتوا تعذروني .. لما أقول يا مصر

مصر .. مصر .. مصر

فاتك نص عمرك ياللي ما شفت مصر

ده التاريخ ف مصر .. و الهرم ف مصر .. و الكرم ف مصر

و الحلوين ف مصر .. و الجدعان ف مصر ادوني عصاية .. أرقص رقص مصر

open invitation .. روحوا زوروا مصر و انتوا تعذروني .. لما أقول يا مصر

عشان كده متعملش زى العروسة اللعبة وخلى عندك انتماء وسيبك من عقدت الخواجة اللى مرجاعنا لورا ده بجد حسيته اوى النهارده فى المشروع لما كان واحد فيه بيقولك نجيب واحد من أمريكا يحكمنا أحسن وعشان كده كنت محتاج أطلع الكلام ده فى مقاله ذى دى ويارب يكون كلامى وصل

المدرب عبد الرحمن عثمان