مواقف تربويه لأمهات ذكيه - مقال رقم 1

ابني .. آسفة إنت صح وأنا غلط

مين فينا فكرت إنها لما تغلط في حق ابنها تعتذر له ؟

مين أصلا بتعرف تحدد إن كان موقفها صح ولا غلط ؟

كثير من الأمهات دايما بتجيب الغلطة علي ابنها .. ويتبع ذلك عقابا في غالب الأحيان أكبر من الخطأ نفسه !!!!

النهاردة مع بعض حنتعلم إزاي تقيمي الموقف صح ؟

إزاي تقيمي الموقف صح ؟

أول نقطة : التزمي الهدوء قدر المستطاع ولا تتعجلي رد الفعل .

النقطة الثانية: : حددي بالضبط السلوك الذي سبب لكِ إزعاجا .

النقطة الثالثة : السبب في اعتبارك هذا السلوك مزعجا .

النقطة الرابعة : هل هذا السلوك يفعله ابنك للمرة الأولي ؟

وما هي دوافعه من وراء ذلك ؟

وأهم شيء هو الدافع ..

فكما يقولون " إذا عرف السبب بطل العجب "

ومن هنا نجي لنقطة مهمة جدا وهي :

(الاحتياجات الأساسية للطفل ) .

فلو سلوك ابنك ده كان مدفوع بحاجة من حاجاته الأساسية فاعذريه ووفريها له وستجدي أن هذا السلوك قد توقف .

مثال : طلبتِ من ابنك شيء أمام الناس فرفض بشدة وأحرجك أمام الناس .. راجعي نفسك إن كنتِ قد أحرجتيه أمام الناس سابقا ..فيكون تصرفه من باب رد الفعل والدفاع عن ذاته وصورته الشخصية أمام الناس .  

( والتقدير والاحترام من الاحتياجات الأساسية كذلك لدي الطفل ).

أو طلبتِ منه شيء صعب علي نفسه .

خلي بالك هي مش خطوات كتير ..

هو بس أول مرة حتفكري بالراحة لحد ما تدربي نفسك عليها حتبقي سريعة فيها جداااااااا بعد كده وحتريحك كتير في التعامل معاه .

وانتبهي إن رد فعلك علي الموقف يا إما يزيده سوء يا إما يعالجه ..

وعشان كده .. حعملك سلسلة مقالات تقدملك أسهل الطرق في حل مشاكلك مع ابنك .. في سلسلة مقالات (مواقف تربوية لأمهات ذكية)

استنيني كل ....... من كل أسبوع .

المـسـتـشـارة الـتـربـويـة / مـــنــي لــمــلــوم