شكر أيها الرجل الطيب

كنت جالس امبارح على القهوه بشرب فنجان القهوه المعتاد بجوار المركز ( مركز الحلم للتنميه البشريه ) 

ووجدت رجل كبير و بسيط يجلس جانبى استغربت انى لا اعرفه و يجلس على نفس الترابيزه و القهوه  كلها فاضيه خالص 

و قالى ممكن أسالك سؤال 

قلته اتفضل  قالى ما معنى الامل؟
شرحت له ما معنى الامل و التفائل ؟

ضحك الراجل و قال لى كلام جميل بس ده كله كلام ناس بتبيع الكلام

فسكت 

قالى لى ان ما يحدث فى البلاد يعطى معنى اخر فى الامل 

قلت له مش فاهم 

قال لى : الامل يا بنى انك تموت قبل ما تتفتن بشئ 
ناس مفتونه بالسلطه و ناس مفتونه بالكلام و ناس مفتونه بالناس 
و انت هتكون مفتون بأيه المهم انك تكون بعيد عن الفتنه و لما تكون بعيد عن الفتنه هتكون عرفت ما هو الامل
و سكت و قال ربنا يخرجنا منها سالمين غير مفتونين 

و سكت  و انا سكت و قلت له :

شكر ايها الرجل الطيب

المدرب هيثم حسنى 

مدرب تنميه بشريه